أولا نبدأ من مرحلة الطفولة
اوعي ابدا لما بنتك تسألك علي حاجة تعملي جو التخويف ده وعيب واسكتي ومتتكلميش
لأنها كده هتبقي خجولة علي خوافة لما تكبر خلي بنتك تتكلم وتاخد وتدي معاكي علشان تبقي اجتماعية اكتر
وحتي لو سألت سؤال محرج جاوبيها بس بطريقتك انتي المهم تجاوبي
وطبعا الكلام ده ينطبق علي فترة ما قبل البلوغ لازم تكوني مفهماها علشان متسألش حد غريب مهما كنتي صحبتها
ثانيا
الصلاة
أكبــــــــــــــــــر غلط تعمليه
انك تفضلي تزعقي لبنتك او ابنك برضو علشان يصلي
صدقوني هيكره الصلاة
انا بابا وماما علي طول كانوا يقولولي صلي وده قبل ما أبلغ ويزعقوا
لدرجة ان مع كل صلاة كنت بعمل نفسي تعبانة ومش قادرة اقوم او رجلي وجعاني بس علشان أعند ولو صليت هيبقي غصب عني وطبعا وضوء ناقص ورافضة تمام حكاية الصلاة
بس مجرد ما بلغت وعرفت ان كل صلاة هتحاسب عليها وفكرت في حساب ربنا قولت لا لازم أبدأ اصلي
لو سبت صلاة مش هعرف اعوضها لما اكبر وهيبقوا كتير وهما 5 في اليوم
بس انك تجبريهم ع الصلاة
هيكرهوا الصلاة فعلا
ثالــثا
بنتك تبقي صحبتك
الفرق بينك وبين صحبتها
ان صحبتها ممكن تسمع حاجة غلط بنتك عملتها وتسكت لانها مش هاممها امرها لكن انتي اسمعي الغلط وحليها بس بطريقتك انتي بحيث كل ما تيجي تحكيلك تبقي متطمنة
مش أسلوب لا لا لا غلط عيب انتي قليلة الادب
برضو صدقيني هتكره انها تتكلم معاكي اصلا وهتبص لصحباتها وامهاتهم اللي بيسمعوهم وهتعمليلها شبه مشكلة نفسية وانتي مش حاسة
رابعا مترفضيش حاجة من غير سبب
يعني لما تقولك حاجة وانتي مش موافقة عليها
بلاش تقولي لأأأا بدون ما تبرري
طب يا ماما ليه
هو لأ يعني ليه
طب قولي ليه
لأأأأأأأأأأ انا قولت لأأأأ
لأنها ببساطة اللي انتي رفضتي انها تعمله بدون ما تقولي سبب
هتعمله من وراكي وانتي الخسرانة وانتي اللي هتضيعيها
خـــــــــــامسا وأخيـــــرا
لما تزعلي منها بلاش تقارني بينها وبين اصحابها .. قرايبها .. اي بنت من قريب او بعيد
لأنك كده كأنك بتقوليلها أكرهي البنت ديه مش بصي البنت ديه عاملة ازاي
وطبعا معظم الامهات لما تزعل من بناتها تقولها
شوفي بنت مين عاملة ايه مش انتي شوفي بتعمل ايه شوفي بتساوي ايه
والبنت برضو بتعمليلها مشكلة نفسية وتخليها تكره نفسها وتكرهك شخصيا ولو لثانية وتكره اي حد بتقارنيها بيه
وبتخليــــــــها محلكـ ســـــر مش هتتقدم في اي حاجة بس علشان تعند معاكي
وبلاش العنـــــــــــد معا عيالكم بنات او اولاد مش علي طول العند يبقي موجود في اكتر من طريقة تتعاملي بيهم مع بناتك
المصدر : منتدي فتكات
إرسال تعليق